వికటకవి

తెలుగు సినిమాల్లో మనల్ని ఆనందింపచేసే వాళ్ళతో పాటు హింసించే వాళ్ళు చాలా మంది ఉన్నారు. ఇది థీముగా “చిత్రవధ” అని ఒక సినిమా తీస్తే ఎలా ఉంటుందానిపిస్తుంది. ఇందులో నేను హింసించదలచుకునే నటులు కొందరున్నారు. ప్రాధాన్యతాక్రమంలో …
ఆర్.నారాయణమూర్తి - ఈయన సినిమా చూస్తూంటే, మనం సినిమాకొచ్చామనే ఫీలింగే ఉండదు. ఈయనతో పాటు కొండల్లో, కోనల్లో తిప్పేస్తూ ఉంటాడు. మంచి రౌద్రం నుంచి ఉన్నట్టుండి ” నీ కాలి కింద పుట్టుమచ్చనై పోతా చెల్లమ్మా” అంటూ దారుణమైన మెలోడ్రామాతో హింసించి, చిత్రసీమలో ఎవ్వరూ నవ్వలేనివిధంగా నవ్వేస్తాడు. దీంతో ప్రేక్షకులు “జీవితం” పైన విరక్తి చెందుతారు. నిజానికి, విరక్తి సినిమాపై కలగాలి కాని మొదట చెప్పినట్టు ప్రేక్షకులకి సినిమాకొచ్చామనే ఫీలింగ్ కన్నా, నిజ జీవితం ఫీలింగ్ ఎక్కువై ఆ ఫీలింగ్ …

జే.డి.చక్రవర్తి - ఏక్టింగ్ తక్కువ ఓవరేక్టింగ్ ఎక్కువ (నన్ను దారుణంగా హింసించాడు, దేవుడిచ్చిన నా ఆయుష్యులో వీడు కనీసం కొన్ని క్షణాలు హరించాడు). రాంగోపాల్ వర్మ అండతో, కేవలం ప్రేక్షకుల్ని హింసించే ఏకైక లక్ష్యంతో ఉంటాడు. సినిమాల్లో నటించటానికి నటన అవసరంలేదన్న నగ్న సత్యాన్ని పబ్లిక్ చేసి, తనలాంటి వారికి దారి చూపించాడు.

బాలక్రిష్ణ - నేను ఈయన గారి సినిమా చూసే అర్హత లేదనుకునేంతగా నటించి, నాకు జీవితాన్ని ప్రసాదించాడు. “తినగ తినగ వేము తియ్యనగును” కి గొప్ప ఉదాహరణ. తన మాటతో, సౌండుతో విలన్లను చంపి ఇప్పుడు సైగలతో చంపే పనిలో ఉన్నాడు.

ఇంకా కొందరున్నారు, మరెప్పుడయినా చెపుతాను! ప్రస్తుతానికి నా ఊహా “చిత్రవధ” లో వీరిని చెండాడుతాను.

ఫై వారికి ఎవరయినా విసనకర్రలయితే (FANs) లైట్ తీస్కోండి!