వికటకవి

ఈ పాట ఎప్పుడు విన్నా నా మనసుకి ఏదో తెలియని మంచి అనుభూతిని కలిగిస్తుంది. నిస్సందేహంగా పాట చిత్రీకరణ, సాహిత్యం కన్నా ఆ గొప్పతనం స్వరకర్తదే. ఎవరైనా ఇది ఏ రాగంలో స్వరపరచబడిందో చెప్తారా? అలాగే ఇదే రాగంలో స్వరపరచబడ్డ మరికొన్ని పాటలేవైనా ఉంటే, అవీ తెల్పండి. కృతజ్ఞతలు.

చిత్రం : చెలి
రచన : భువనచంద్ర
సంగీతం : హ్యారిస్ జైరాజ్
గాయని : బాంబే జయశ్రీ

మనోహరా, నా హృదయమునే ఓ మధువనిగా మలిచినానంట
రతీవర, ఆ తేనెలనే ఓ తుమ్మెదవై తాగిపొమ్మంట
నా యవ్వనమే నీ పరమై పులకించే వేళ
నా ఎదలో ఒక సుఖమే ఊగెనుగా ఉయ్యాల!

జడివానై ప్రియా నన్నే చేరుకోమ్మా శృతి మించుతోంది దాహం
ఒక పానుపుపై పవళిద్దాం
కసి కసి పందాలెన్నో ఎన్నో కాసి నన్ను జయించుకుంటే నేస్తం
నా సర్వస్వం అర్పిస్తా
ఎన్నటికీ మాయదుగా చిగురాకు తొడిగే ఈ బంధం
ప్రతి ఉదయం నిను చూసి చెలరేగిపోవాలీ దేహం
మనోహరా, నా హృదయమునే ఓ మధువనిగా మలిచినానంట
సుధాకర, ఆ తేనెలనే ఓ తుమ్మెదవై తాగిపొమ్మంట!!

ఓ ప్రేమా ప్రేమా

సందె వేళ స్నానం చేసి నన్ను చేరి నా చీర కొంగుతోవొళ్ళు
నువు తుడుస్తావే మధు కావ్యం
దొంగమల్లె ప్రియా ప్రియా సడే లేక వెనకాల నుండి నన్ను
హత్తుకుంటావే మధు కావ్యం
నీకోసం మదిలోనె గుడి కట్టినానని తెలియనిదా
ఓ సారి ప్రియమార ఒడి చేర్చుకోవా నీ చెలిని

మనోహరా, నా హృదయమునే ఓ మధువనిగా మలిచినానంట
రతీవర, ఆ తేనెలనే ఓ తుమ్మెదవై తాగిపొమ్మంట
నా యవ్వనమే నీ పరమై పులకించే వేళ
నా ఎదలో ఒక సుఖమే ఊగెనుగా ఉయ్యాల!